GOAT Alert: Messi Breaks Assist Record

Messi Do Wonders Again change  Maradona Record Don Change Owner!

Naija people, make una hear gist! Lionel Messi don enter history book again for this 2026 World Cup, and na big level thing be this one. Argentina meet Egypt for Round of 16, and Egypt no come play. Yasser Ibrahim score first goal, then Mostafa Ziko add another one via sharp counter attack. Before Argentina fans fit blink, dem don dey down 2-0. E be like say the Pharaohs wan carry Argentina go house early. But Messi no gree make that story continue.

Messi Chop Penalty Wahala First

Before the sweet gist reach, Messi first taste bitter pill. E get chance to reduce the deficit from spot kick, but Egypt goalkeeper Mostafa Shobeir save the penalty well well. That miss come make Messi become the first player in football history to miss two penalties for one single World Cup  because e don already miss one earlier for the group stage against Austria. Naija people go just talk say “even GOAT sef dey fumble sometimes.”

GOAT Enter Mode

With match dey near finish, Messi wake up. E give Cristian Romero clean pass wey the man use head score goal — 2-1 don be that. But no be only assist Messi come do; that pass na him ninth assist for World Cup career, wey now pass Maradona wey former hold the record for eight assist since 1986. Messi don officially become the man wey get the most assist for World Cup history!

Messi At World Cup

E no stop there sef. Messi still add him own goal for the 83rd minute make the match level well well. That goal na him 21st for World Cup career  na him remain the highest goal scorer for World Cup history, and e don score for six straight knockout matches back to back. Na correct assignment be this one.

Enzo Come Kpai Egypt Finish

For second minute of extra time, Enzo Fernández head the ball go inside net, complete one of the craziest comeback for this World Cup. Argentina score three goals within fourteen minutes  Egypt no even sabi wetin hit dem. Camera catch Messi as e dey shed tears for pitch after final whistle  no be sorrow tears o, na pure joy and relief tears.

Wetin Dey Come Next

Argentina don qualify go quarterfinal, dem go face whoever win between Colombia and Switzerland. Title defence still dey alive, and na 11 straight matches now Argentina no lose for World Cup, counting from 2022 till now — na record wey almost match Uruguay own from many years ago.

Na so Messi continue to show say na him be the real deal  Maradona fit dey rest well for heaven, but him record don pass hand now. As dem dey talk for street “Messi no dey carry last.”