Charlie Boy: “Obasanjo Is The Only Wizard”

Charlie Boy Just Light Yanga Fm Mic with Obasanjo “Wizard” Talk, Cancer Vex, And  Bus Stop Wahala

Area Fada don land for Yangafm wetin Dey show again, and abeg, the man no sabi how to come dull. Forty minutes inside, Charlie Boy don already touch politics, his own prostate Cancer issue  and one Bariga bus stop wey refuse to rest. Carry your gist face come, this one long small.

“This Country Just Dey Do Rubbish”  Na Him Talk O, No Be Us

Try ask Charlie Boy one soft question, watch how he go answer like you ask him the hardest question for this world. Wale never even finish his sentence before Area Fada don already dey shake head about how this country dey go. Nigeria, he talk straight, no dey serious at all for now. No “we dey manage,” no “things go soon better” just one 75-year-old man wey tire to dey pretend say everything okay.

E Call Obasanjo The Last Wizard Wey Remain

Then na where he drop the line wey everybody go dey quote till tomorrow. Charlie Boy call former president Olusegun Obasanjo the only real “wizard” wey still remain for Nigerian politics  meaning say OBJ na the last man wey still dey play 4D chess while everybody else just dey play draft for ground. Whether you gree or you vex, the quote done already travel comot.

Cancer Talk Wey Nobody Ask For (But E Still Talk Am)

Gist shift, and this part no be for laugh laugh  at least no be only laugh. Charlie Boy don talk about his prostate cancer story before, and the surgery wey come after, and he talk am again for this one too. Wetin catch me as I dey listen back na the tone. No sympathy-fishing for here. The man sound like person wey still vex for the cancer sef, like how you go vex for person wey try you almost win.

Charlie boy and Wale pow pow pow

Bus Stop Don Change Name, Charlie Boy No Send

Of course Wale must ask about the bus stop. The Bariga bus stop wey carry “Charlie Boy” name for decades don turn Olamide Baddo Bus Stop now, and Lagos never stop to dey argue about am since. His answer? Conductor and danfo driver still dey shout “Charlie Boy” for that stop till today, new signboard or not. So as far as he see am, nobody really rename anything  dem just change one sign wey nobody dey read.

So Wetin Be The Real Gist Here

Honestly? Same thing wey don dey since  the man go talk wetin dey his mind, anytime, to whoever dey front of him. Government, cancer, council chairman with paintbrush, e no concern him. You no need to gree with Charlie Boy before you go agree say nobody else for Nigerian entertainment dey talk like this man again.

Full gist still dey on top Yanga fm  page if you want the full gist  make you hear am yourself on top our youtube page