Federal Government Don Declare Friday April 18 and Monday April 21 as Public Holiday for Easter Celebration.

The Federal Government don announce say Friday, April 18 and Monday, April 21 go be public holiday to take mark Good Friday and Easter Monday.

Minister of Interior, Olubunmi Tunji-Ojo, na him talk this one for one statement wey dem drop on Tuesday for Abuja.

Federal Government Don Declare Friday April 18 and Monday April 21 as Public Holiday for Easter Celebration

The Minister send better Easter greetings give all Christians for Nigeria, as he hail them on top the celebration and beg make everybody reason the true meaning of the season.

“This Easter period na time to show love and sacrifice, just like how Jesus Christ give him life to save all of us,” Tunji-Ojo yan.

He still beg Nigerians make dem use the Easter holiday pray for peace, unity, and better life for the country. He say na only when all of us join hand, the country fit strong well.

The Minister still remind people say President Bola Tinubu Renewed Hope Agenda still dey strong, and dem go continue dey work to bring growth and development come Naija.

As part of him Easter message, Tunji-Ojo talk say make Nigerians try dey kind and generous to people around dem.

“As we dey celebrate, make we show love give our neighbours with kind gesture and better attitude,” he talk.

He come end the message by wishing all Nigerians — especially Christians — happy, peaceful and joy-full Easter celebration.

Make we no forget, Easter na one of the most important days for Christian people. Na the day wey dem take celebrate say Jesus Christ rise from death, and people dey mark am with prayer, family time and showing love to the community.